Monday, January 30, 2023
Homeவன்னி செய்திகள்வவுனியா செய்திகள்வவுனியா - திருநாவற்குளம் பகுதியில் வீடு புகுந்து 5 இலட்சம் ரூபாய் பெறுமதியான நகைகள் திருட்டு!

வவுனியா – திருநாவற்குளம் பகுதியில் வீடு புகுந்து 5 இலட்சம் ரூபாய் பெறுமதியான நகைகள் திருட்டு!

வவுனியா – திருநாவற்குளம் பகுதியில் கடந்த 3ஆம் திகதி வீடொன்றை உடைத்து சுமார் 5 இலட்சம் ரூபா பெறுமதியான நகைகள் திருடப்பட்டுள்ளதாக வவுனியா குற்றத்தடுப்பு பிரிவு பொலிஸாரின் உரிமையாளரால் முறைப்பாடு செய்யப்பட்டுள்ளது.

இன்று (09-01-2023) முல்லைத்தீவைச் சேர்ந்த குடும்பஸ்தர் ஒருவர் கைது செய்யப்பட்டு அவரிடமிருந்து நகைகள் மீட்கப்பட்டுள்ளதாக வவுனியா குற்றத்தடுப்புப் பிரிவு பொலிஸார் தெரிவித்தனர்.

மேற்படி முறைப்பாட்டின் அடிப்படையில் வவுனியா பிரதான பொலிஸ் அதிகாரியின் பணிப்புரையின் கீழ் பொலிஸ் சார்ஜன்ட்களான திஸாநாயக்க (37348), திலீப் (61461), பொலிஸ் கான்ஸ்டபிள்களான உபாலி (60945), தயாளன் (91792), தர்மகீர்த்தி (91983) ஆகியோர் அடங்கிய பொலிஸ் குழுவொன்று நியமிக்கப்பட்டது. குற்றத்தடுப்பு பிரிவு அலுவலர் பூ.கஜேந்திரன் தலைமையில் விரைவு விசாரணை நடத்தப்பட்டது. முன்னேறியிருந்தது.

விசாரணைகளின் அடிப்படையில் முல்லைத்தீவு பகுதியைச் சேர்ந்த 44 வயதுடைய குடும்பஸ்தர் ஒருவர் கைது செய்யப்பட்டு அவரிடம் மேற்கொள்ளப்பட்ட விசாரணைகளின் பின்னர் திருடப்பட்டதாகக் கருதப்படும் வளையல்கள் மற்றும் சங்கிலிகளும் மீட்கப்பட்டுள்ளன.

இதனையடுத்து மேலதிக விசாரணைகளின் பின்னர் குறித்த நபரை நீதிமன்றத்தில் ஆஜர்படுத்த நடவடிக்கை எடுத்துள்ளதாக வவுனியா குற்றத்தடுப்பு பிரிவு பொலிஸார் தெரிவித்தனர்.

RELATED ARTICLES
- Advertisment -

Most Popular

Recent Comments