Sunday, December 4, 2022
Homeவன்னி செய்திகள்வவுனியா செய்திகள்வவுனியாவில் பண்டாரவன்னியன் சதுக்கம் பெயர்ப் பலகை அகற்றம்: மக்கள் விசனம் !

வவுனியாவில் பண்டாரவன்னியன் சதுக்கம் பெயர்ப் பலகை அகற்றம்: மக்கள் விசனம் !

வவுனியாவில் தேசிய வீரர் மாவீரன் பண்டாரவன்னியன் சதுக்கத்தின் பெயர்ப்பலகை திறந்து வைக்கப்பட்டு 4 நாட்களின் பின்னர் அகற்றப்பட்டதாக எமது பிராந்திய செய்தியாளர் தெரிவித்தார்.

தேசிய மாவீரர் பண்டார வன்னியனின் 219வது நினைவு தினத்தை முன்னிட்டு வவுனியா நகர சபையினால் தேசிய மாவீரர் பண்டாரவன்னியன் சதுக்கம் என்ற பெயர்ப்பலகை கடந்த 25ஆம் திகதி நகர மையத்தில் திறந்து வைக்கப்பட்டுள்ளது.

இந்நிலையில், பெயர் பலகை திறக்கப்பட்டு 4 நாட்கள் கடந்த நிலையில், கடந்த 29ம் தேதி, சாலை மேம்பாட்டு பணியில் ஈடுபட்டவர்களால், பெயர் பலகை அகற்றப்பட்டது.

இவ்விடயம் தொடர்பில் வீதி அபிவிருத்திப் பணிகளில் ஈடுபட்டுள்ளவர்களிடம் கேட்டபோது, ​​வீதி அமைக்கும் பணி எமது நிறுவனத்தினால் மேற்கொள்ளப்பட்டு வருவதாகவும், அபிவிருத்திப் பணிகளுக்கு இடையூறாக இருந்தமையினால் குறித்த பெயர் பலகையை அகற்றியுள்ளோம் எனவும் தெரிவித்தனர்.

இது தொடர்பில் வவுனியா நகரசபையிடம் கேட்ட போது வீதி அபிவிருத்தி பணிக்காக பெயர் பலகை அகற்றப்பட்டுள்ளதாகவும், பணிகள் நிறைவடைந்ததன் பின்னர் குறித்த பகுதியில் முன்னைய பெயர் பலகையை விட சிறந்த பெயர் பலகையை இடுவதற்கு நடவடிக்கை எடுத்துள்ளதாகவும் தெரிவித்தனர்.

வீதி அபிவிருத்தி பணிகள் நடப்பதை அறிந்து 4 நாட்களில் பெயர் பலகை திறக்கப்பட்டு அகற்றப்பட்டமை மக்களிடையே அதிருப்தியை ஏற்படுத்தியுள்ளதுடன் சபை நிதி வீணடிக்கப்பட்டுள்ளதாகவும் தெரிவிக்கப்பட்டுள்ளது குறிப்பிடத்தக்கது.

RELATED ARTICLES
- Advertisment -

Most Popular

Recent Comments